برنامج كبير لتأهيل الثوار في ليبيا

برنامج كبير لتأهيل الثوار في ليبيا

خصصت الحكومة الليبية ميزانية بقيمة 8 مليارات دينار (الدولار يعادل 1.25) لتأهيل وتدريب 200 ألف مقاتل في مجالات الجيش والشرطة والأعمال المهنية والتعليم.

قال رئيس هيئة شؤون المحاربين مصطفى الساقزلي إن الميزانيات الطموحة للوزارات، وليس لهم، موضحا أن وزارة الداخلية قالت إنها قادرة على استيعاب 25 ألف مقاتل من الثوار، والميزانية المخصصة لها تشمل التدريب والتأهيل وال...ملابس والمرتبات، مقدرا تكلفة الفرد الواحد في الجيش بحوالي 2000 دينار ليبي.

=======================================

8000000000 دينار ليبي .. 8 وبحداها 9 أصفار !!!

لعدد 200 ألف ثائر ؟؟!!!

أولا : لو عندنا 200 ألف ثائر كيف صمد المقبور طيلة الشهور اللي فاتوا كلهم ؟ واذا كان عندنا 200 ألف ثائر هو كم كان عنده ؟؟؟ ملايين معناها!!!

ثانيا : المجلس انتقالي والحكومة انتقالية , بمعنى انهم فقط يحاولوا يمشّوا الدولة في الفترة هذه وبعد تصير انتخابات وحكومة رسمية يتم انتخابها من الشعب وفق خطتها المعروضة للناس , وهي اللي من حقها التصرف في أموال الشعب الليبي ( لانه الشعب فوضها انتخابيا بهذا الشيء ) كيف تجي الحكومة الحالية والمجلس اللي هو انتقالي ويتصرفوا في مبلغ كبير جدا زي هذا بالطريقة هذه ؟؟ هل تم أخذ رأي الشعب في الموضوع هذا ؟؟ والا غير بزنس في بزنس ومادامها مرحلة انتقالية معناها الشعار هو اخنب اللي تقدر عليه!!!

ثالثا : وهذا المهم .. الشخص هذا المدعو الساقزلي من أعطاه المكان هذا ووضع تحت تصرفه أموال كبيرة بالرقم المهول هذا ؟؟؟ الساقزلي إخواني صرف , محسوب على الاخوان المفلسين , وما أظنش إنه صارت انتخابات وفازوا فيها جماعة الاخوان , باش يحطوا اللي يبوه ؟؟
ثم من الواضح انه فيه مخطط إخواني للاستيلاء على الاماكن الحساسة والمهمة في المرحلة هذه ( وبالذات الاماكن اللي فيها فلوس بالهبل) للاستفادة منها في الانتخابات القادمة .. والأمثلة عديدة , والمشكلة كل الاماكن استولوا عليها بادعائهم انهم يمثلوا الثوار ؟؟؟!!! والمعلوم انه الاخوان وكتائبهم كانت اخر الكتائب اللي تدخل المعركة وأول الكتائب في الفر وكان شعارهم الكر والفر اللي اشتهروا بيه طيلة مدة الثورة ..

رابعا .. المرحلة هذه خطيرة جدا , والثورة الباين انها في الطريق لان يتم سرقتها من المتسلقين والمخانب , والسلاح منتشر عند الكل , وسكوت الشعب على المهازل مش سكوت القبول بل هو سكوت اللي يحاول يبعد الفتنة ويتمنى انه الحكومة والمجلس يكونوا في قدر المسئولية اللي وضعهم الشعب فيها ..
وإلا .... زي ما ثار الشعب على المقبور الظالم واللي سرق أموال اللليبيين مش حيسكتوا للساقزلي وبوكتف والصلابي وجوقة الاخوان المفلسين ومن سار في ركبهم ممن شعارهم ... إخنب مادامها الدنيا مواتياتك ..!!

هي نصيحة لعلها تجد من يقبلها .. والا القادم مش حيكون طيّب ... يا حكومة !!